..... روحت فين .....
روحت فين وفايتنى وحدى
قلبى مشروخ حتتين
روحت فين يا أهم عندى
من ضلوعى المحتاجين
ضمتك ليهم بشوق
ولحنان الحلو قلبك
ويا إحساس الشروق
لما يوصل ليا همسك
باقْطّع المسافات واجيلك
أرتوى من شهد نيلك
وف خيالى يحلى حالى
وقت ما اصبح يوم دليلك
الله يلعن دى الظروف
اللى بتْأخر لقانا
إمتى أخدك يوم واطُوف
والأمانى تكون معانا
يوم ما فعلاً تبقى ليا
كل شىء هيكون سعيد
يومها اقول للدنيا ديا
ألف شكراً
صار لى عيد
بعد مَطْوّحْةْ السنين
واللى صابنى من حنين
نفسى أفهم حُب عمرى
غبت عنى
روحت فين
# كرم شحات #
ليست هناك تعليقات:
إرسال تعليق