قلم رصاص
بقلم // جمعه يونس
من اوراقى القديمة
المؤرحة فى 7 يوليو 1997
قلم رصاص .
…………….
قلم رصاص باكتب بيه
اشعارى ...حكاياتى.
بااكتب بيه اغانى
أغنيها لكل العاشقين
باارسم بيه لوحاتى
الهرم وابو الهول والنيل
مآذن منورة بتنادى للصلاة
وكنائس وأديرة
مولد النبى والسيدة
وجوه لبنات حلوين
عازف بربابة ورغول
بيغنى آآه ياليل
فلاح ماشى
بيزرع ورد وياسمين
علم ع القناة بيرفرف
وجنود منتصرين
شمس وقمر
أرض وسما وشجر
قادة
وأدباء
وفنانين
السادات
ونجيب محفوظ
وأم كلثوم
ولما تيجى
سيرة للعدو
يتحول لمدفع
بيضرب رصاص
قلم رصاص
..............................
بقلم / جمعه يونس
من اوراقى القديمة
المؤرخة فى 7يوليو 1997
ليست هناك تعليقات:
إرسال تعليق