بلادي جريحة
هقولها صريحة
بلادى جريحة
جرحها قطعي
دا غير السطحي
طعنة فى قلب
وشرخ فى صدر
وضرب ورفس
وكسرة نفس
واللي جرحها
سبق ودبحها
دبحها فى كلمة
بسكينه تلمة
وبلادى تنادي
غيتونى ياولادي
نيجى نغيتها
نهد فى بيتها
نعالج فيها
تذيد فى صويتها
ماهو أصل دوانا
حبوب فسدانه
اللى واصفها
ناس برانا
ماهو زى الدب
فى لحظة حب
ماموّت صاحبه
إحنا كمان وفى لحظة حب
بكل جهاله قلدنا الدب
قومى يابلدي
هبطل جهلي
قومى واتعافي
اركبى على ضهري
هاأمّن سرجي
واخدك واجري
رهوان مجري
نعيش سوا فجري
بقلم طارق السيد
ليست هناك تعليقات:
إرسال تعليق