لفين السكه وخدانا
وفين هنروح
فى بحر هم رميانا
ومليانا الام وجروح
لا بتحن ولا بتلين
وقسوتها بقت سكين
على لسانا مانع البوح
يا حزن فى القلوب كمكم
واعمل من الألم سلم
وفى جفون العيون اركن
لساعه يسمحو ا بالنوح
وابقى احكى على جرحى
على فرحى اللى بقى مذبوح
وقو ل للدنيا واشكى
انا ميت ومش صاحى
ومش مسموح
اواسى نفسى بكلمة
ولا اضمد لنفسى جروح
ولملمت الجراح فيا
ومش عارف لفين راح اروح
زمن خيب رجانا فيه
بيثنى الصلب وبيطويه
لا اخ فيه بينفع
ولا حيطه للفقير تداريه
لفين السكه وخدانا
وفين هنروح
فى بحر هم رميانا
ومليانا الام وجروح
يا حزن فى القلوب كمكم
واعمل من الألم سلم
وفى جفون العيون اركن
لساعه يسمحو ا بالنوح
بقلم محمد البلاط
ليست هناك تعليقات:
إرسال تعليق