(في شرع مين)
في شرع مين يا ناس
إن الفقير ينداس
فينها قلوب البشر
دي قلوب وللا حجر
هو إحنا محناش بشر
القهر ليه انتشر
الظلم ع الحق انتصر
مبقاش للعيون بصر
ميزان العدالة انكسر
صوت الفقير اتحشر
شهور نايمين في الخلا
شربنا بالكؤوس البلا
لا فيه حنان ولا
حكومة تهتم بالمسألة
كوانا يا ناس الغلا
هرب البشر للفلا
ميكونشي إحنا كفرنا
ظلم الحياة قهرنا
بات الضياع شعارنا
رفعنا الإيدين للسما
مش يأسانين إنما
هناك فيه محكمة
أحكامها أكيد محكمة
هنموت خلاص م الجوع
وفيه بطون متخمة
رحماك يارب الكون
رضاك وكله يهون
عصام الباز
ليست هناك تعليقات:
إرسال تعليق