............ ياعم الحزن .............
بعد التحية والسلام
شكرا بجد
ع الاصول والجدعنة ....
على أنك صبرت معايا
اكتر من سنة ...
كانت الناس تنام
وأحنا سهرانين ...
وعملت منى بصحبتك
أنسان حزين ...
لا سألتنى عن سنى كام
ولا قولت ليا بتحب أية ...
دخلت ورميت السلام
وصاحبتنى معرفش لية ...
وعشان كدة انا بشكرك
وبعرفك .
أنى بعت لضحكتى طلب صداقة
ونويت اكمل ف العلاقة
وممكن تانى نتقابل قريب ...
وانا عارف انك حد طيب
مش غريب ...
بس ممكن لو غلاسة ......
لو شفتنى مرة فى طريق
موجوع بعانى ....
سبنى احل مشاكلى وحدى
وانت صاحب حد تانى ......
ليست هناك تعليقات:
إرسال تعليق