قالوا
قالُوا كلامك حزين
حرُوفك بِتحكى ألم السنين
اكتب لِنا فرحه ويّا فرحه
اكتب ....مش مُهم لِ مِين
اكتب سعاده حُرُوفها ضَىّ
اكتب ل ِناس عاشقين
كتبت الفرح وأحلامه
كتبت الشوق وغرامه
خَلّيت الحرُوف ياسمِين
قالُولِى مات إِحساسك
ناسى دموع مسَاكِين
فرحان وغيرك بيشكى
خَلّى حروفك أَنِين
إِحتَرت ودَلِيلى تَاه
مُش عارف أرضِى مين !
قَررّت أكتب إِحسَاسى
وارسم أفكار رَاسِى
ورَبّك هُوّ المُعِين
الشاعر الخفى
محمد محمد
ليست هناك تعليقات:
إرسال تعليق