بالروح بالدم نفديك يادولار
ماعاد نهتم بلا مستحه وعار
شگد دنگينه
وما حجينه
متعلمينه ،،،من ذيج الأعثار
بالروح بالدم نفديك يادولار
ماعاد نهتم بلا مستحه وعار
ياما ليالي
مرت عجاف
صَمَّمنه نحجي
وما نخاف
تالي سكتنه
اتخيّط حلگنه
وانباع كلشي بهالوطن ماظلت أسرار
بالروح بالدم نفديك يادولار
ماعاد نهتم بالمستحيل وعار
رحنه إنتخبنه
لنغير وضعنه
فاز الحرامي وابو الحمام
غصبن علينه
احنه رضينه
وامو بدينه ،،،نصبّوالأقزام
بالروح بالدم نفديك يادولار
ماعاد نهتم بلامستحه وعار
كلش حسافه
روّحنه الخور
الروح صارت
تغلي وتفور
شبقه منباع
كل شبر بالگاع
بالوطن صارت خربطه ومانعرف شصار
بالروح بالدم نفديك يادولار
وماعاد نهتم بلامستحه وعار
شگد عذبونه
وشگد أذونه
الشعب ساكت
ياكل بساكت
خلونه دوم بتفرقه وسونه طشار
بالروح بالدم نفديك يادولار
ابو رؤى قاسم الدوسري
ليست هناك تعليقات:
إرسال تعليق