مصر السفينة
مصر ياأم الطرجة بني
يابهية ياحتة مني
في السما حايمة الحدادي
والنسور جايبة البوادي
والتعالب والأفاعي
في كل نبع وكل وادي
والضواري في البرية
عينها منك يابهية
ينصرك رب العباد
يجعلك دايما قوية
يمحي نورك السواد
تبقي واحة بنبع مية
يرتوي كل الولاد
وكل رايحة وكل جاية
رايحة جاية بالميعاد
بأمرك إنت يابهية
يابهية ياأبية
ياأم طرحة وجلابية
زي نجم يوم ماقال
في القصيدة المصراوية
مصر ياما ياسفينة
عدي بينا وانجدينا
ياما من بحر الشمال
ع اليمين شوفيلنا مينا
ياللي بحارتك رجال
يجدفولك ترسي بينا
شط تحقيق الأمال
صعبك يصبح سهل لينا
والمحال يصبح منال
نحتويكي وتحتوينا
بقلم طارق السيد
ليست هناك تعليقات:
إرسال تعليق