((( غيار على الناشف )))
شوية شاى فى كوبايه
على راكية نار بمليون دفايه
يشربها الغلبان أبوملايه
تدفى صدره فى البرد
وتجرى الدم فى عروقه التعبانه
ويغير غيار على الناشف
لاحد دارى بيه ولاشايف
مش لاقى ميه سخنه ولاسونه
لبس كل هدومه ولسابالبرد حاسس
مش غاوى لبس روب ومعاطف
تلاقي فى عز البرد الريح مرصرصه
والغلبان من السقعه محنى وموطى
كاشش فى هدومه ومقصر
والبرد فى ضلوعه ينخر ويكسر
وأنت يابيه ياأبو بطانيه ودفايه
حاسس بالبرد ولا الكلام ملوش غايه
أكيد بتشوفه فلم تسالى فى روآيه
الحته كلها عندك عمرانه ودفيانه
عايش حياتك من البرد فى حمايه
وعندك حصانه مش قصه هى ولاحكايه
الإحساس نعمه ومش كل الناس دريانه
كلمات /محمودصلاح السيد4/2/2017
ليست هناك تعليقات:
إرسال تعليق