عمبحلم. (باللهجة اللبنانية)
عمبحلَم ببيت عا ضفّه نَهر
متواضِع و في حولُه زرّيعة.
فيق الصُبح اتصبّح بأحلى عيون
خبزِة و جبنة تكون الترويقة.
وناكُل أنا و إنتي عالغذا زيتون
وتكوني إلي حبيبة و رفيقة.
ننسى إللي كان واللي بدّه يكون
وما يبيّن هيدا البيت عا الخريطة.
...
يا ريت منسكُن وحدنا بين النجوم
وما تحبّي أبعد عنّك ولا دقيقة.
تلبسي ثياب رقاق زرق و خضر
وألوان حلوة مثل الطبيعة.
ويبقى الطقس دافي و بيجنّن
و جبلِك معي من الحقل بطّيخَة.
نقعُد سوا و نسكِّر الأبواب
و مايكون في برغش ولا ضيقة
...
عمبحلم ببيت صغير من حبّ و حنان
وما تكون أبوابه مسروقة
عدنان خليفة
2017
ليست هناك تعليقات:
إرسال تعليق