حبّ.
من وَقت ما عرفتها و أنا مشتاق
من قبل ما شفتها وأنا بحبّها.
حبّ صادِق ما عنده كذب
حبّيت ألله ال خالقها ربّها.
أوّل فرح كان عندي بالحياة
لمّا وعيت على الدني حدّها.
ولمّا ضمّتني بعطف و حنان
و كبرت شويّ شويّ عا صدرها...
...
و مشيت قدّأمها أنا و مبسوط
فجأة صرت بدرب مش دربها.
لحظة العمر بيروح و بيترك أثر
بياخذ معه أوقات منحبّها.
...
دخلك يا ألله رجّعني شي مرّة صغير
شوف إمّي ...
...و بوس إيديها و إجريها و خدّها.
و قلّها حبّي إلها ما بيتعب ولا بيشيخ
وزتّ ألعابي إترك اصحابي و أركض لعندها.
و إتعمشق عليها و تحكي معي و تضحكلي
و بسّ إنعس و تخلَص الأيّام ...غمِّض عيوني و إغفى ب قلبها...
عدنان 2017.
ليست هناك تعليقات:
إرسال تعليق