شوية ثوانى بيعدو بالحنين
وعيون مالشوق يبانو كانهم مغربين
وتعدى السنين ليالى مفرقين
وندور عالأمانى فى زمن السهرانين
لكن كلمة فراق مكتوبة على جبين
وشوارع الحنين تايهة وسط الانين
وادى صرخة وداع مين اصلا فينا باع
ومن تاة فى الحنين ومين ضحى بمين
فاكرة يوم ما اتقابلنا وضاع الزمن مابينا
وسرقنا الاحنين ودوبنا فى الأيدين
فاكرة الضحكة الجميلة وامانينا فى ليلة
كلو راح من ايدينا وبقينا موش فاكرين
لما خلصت دموعنا انا وانتى بودعنا
الجرح مل منا وقال غنوة وجاعنا
هنا فى نفس المكان اتقسم بينا الزمان
وخلاص نسينا روحنا وضاعت ويا الحرمان
وكلو خلاص نسى وقلوب كمان قسيت
خلص الدمع فى عيونا واتكتب ودعنا
على صفحة من الزمن طويناها ونسينها
وتاهت وسط الزمن ولا فاضل من الألم
غير الذكرى الأليمة وموش هقول جميلة
ولا حتى هالوم عليها هيا مجرد ثوانى
هتعدى عليا تانى وارجع من تانى اقول
شوية ثوانى بيعدوا بالحنين
وعيون مالشوق يبانو
عيون متغربين
الشاعر يسري خليفة
ليست هناك تعليقات:
إرسال تعليق