اهداء لوالدة كل شهيد.
ام الشهيد
افرحى يا ام الشهيد وارفعى راسك لفوق
انا عارف انه غالى عليكى وعليه قاتلك الشوق
ابنك ربنا احبه واخده من حضنك لتحت عرشه
ربك رضى عنه و اول قطره من دمه اتغفر زنبه
اصبرى وربك قال وبشر الصابرين
حزنك بدليه بالفرحه داكلنا عبادة وراجعين ليه
يافرحة اللى راح فدا لبلده فدا لارضه
ابنك باع عمره رخيص صحى بنفسه
علشان يرتاح ابوه وانتى واخوه واخته
امسحى دموعك يا ام الشهيد
ابنك وهب نفسه ومد لبلده ايد
رفع بيه شانه وعلى راسك فوق
زغرتى وهيصى له ومن قلبك ادعى له
دا اللى نال الشهاده من وسط جيله
ولا تحسبيش الشهيد فى سبيل وطنه مات
ده عند ربه هيدخل اجمل الجنات
ابنك معجبوش نظام فاسد وظلم كبير
كان نفسه تكونى ملكه وهو امير
لكن ربنا هيعوضك عنه فى اخواته
ويكرمك فيه ويشفع لك فى اوسع جناته
اقلعى اللون الاسود وعليه ما تلبسهوش
اللى فى القلب السواد والبياض ميوصفهوش
ابنك وهب نفسه علشان يغير نظام
علشان تعيشى انت واخواته فى امان وسلام
وبدمه غسل البلد ومن الظلم طهرها
علشان اخوه يعمر الصحره ويخضرها
واللى راح بس علشان يعمل الاساس
اما العايش عليه باقى البنا
يلا نرفع ايدينا ونعلى انتم وانا
علشان نجملها ونعيشو فيها سعاده و هنا
يا ام الشهيد وامسحى كل الدموع
اللى فى الجنه مالوش فى الدنيا رجوع
عدى اخوه الصغير علشان يكون زيه
اول اما بلده تناديه يقدم ليها روحه ودمه
وبيقول لك ضحيت بنفسى علشان تعيشى
ارجوكى امسحى دموعك وعليه ما تبكيشى
افرحى وارفعى راسك فوق السحاب
ابنك واخواته رجاله اتحدو كل الصعاب
مع كل واحد شهيد اتجمعت الف ايد
وكل واحده انشف واصلب من الحديد
ايد تربى رجاله تفدى زى الشهيد
وايد متعلمه بتعلم الف ايد
ايد بتزرع وايد بتقلع وايد بتبنى
علشان تعلى وايد بتصنع
وايد بتحمل سلاح تحمى الوطن
وايدين كتير لما تتجمع تعدى المحن
يا ريت انا زيه او كنت بداله
الشاعر/عزالدين جبريل
ليست هناك تعليقات:
إرسال تعليق