اقدارنا منعانا
بقلم رمضان بر
سامع صوتي في نداكي
وشايف ملامحي في وجودك
حاسس بنبضي جواكي
ووطني راسم حدودك
سكني ومرساي وحبي جوايا
أسر ومأسور والدنيا منعانا
قدري اكون في حضن قلبك
وتكوني احلامي ومنعاكي اقدارك
لا انا سامع ولا شايف ولا حاسس
الا صورتك وصورة ملامحك ونبضك
ورسماني ف خيالك
حلمي و حلمك ف اللقي
والليالي عن ايامها متفرقه
اقمار وشموس ييتلاقوا
وقت الفراق وقت اللقي
تهز اركانا تزلزل كيانا
وشوقنا يسبقنا واللهفه توجدنا
وف لحظه نتوه والغيبه تسرقنا
نسكر بلا خمر وننسي الوجود
ونلعن عقولنا وافكارنا ونعيش
نسافر للجنون
وف لحظه نفوق
ونلاقي اقدارنا منعانا ونعود
نلاقي الحدود هي الحدود
نفس المعالم نفس الرسوم
هي الوجوه وحرمانا مغير ملامحنا
مفتت في اصواتنا وافكارنا
ونتعجب علي الدنيا
كفوف تضرب كفوف
نعشق نذوب والهجر يملانا
لا احنا عايشين ولا بتخلي قلوبنا
من عشق ننساه وينسانا
وتسرح حروفي في توهه
تبدأ بصوتك وصورتك ونبضك
وتنهي الكلام علي شوق ولهفه
واقدارنا منعانا
بقلم رمضان بر
ليست هناك تعليقات:
إرسال تعليق