لو رمانى في بحر واسع
رغم برد الروح وسابنى
مهما أغرق / عنه أدافع
كأن سهم التوها صابنى
اشوف مصيري رتم واقع
شوقي شق الغيم غصبنى
حضن غيبتة فج ساقع
والحنين ساقني وعصبنى
كل شوق / وله توابع
لما شوقى مال عصرنى
سهم حبه في قلبي طالع
ليه في عز الربح باعنى
قولت يمكن عنده دافع
قالوا دافع مين يا ابني
دا اللي بايع عمره بايع
كله بايع حتى اني
ظني خاب أنا في الطبايع
حتى خاف الظن ظنى
فإن لقيت النجم ساطع
ألعن القمر اللي خانى
وإن لقيت الهجر بارع
أنكر الحب اللي هاني
وإن لقيته في ذكر اقاطع
وأنكر أنه في يوم ظلمني
وإن جمعنا اي جامع
بيه/ تاخدني عينيه تاخدني
وادعى ربي يكون لي سامع
أنه يرجع تاني حضني
#عادل_عوف
ليست هناك تعليقات:
إرسال تعليق