📖
📃
📓 حواديت 
🌵
🌴
🌿
🎼
🇪🇬يا غنوة ف الحواديت
و بيروا بيها الغيط
وكارهة ريحة البيت
وحشاني يا ملكة
سريعة في القلبان
و شطرة ف الزوغان
تاية بقالي زمان
في عينكي والسكة
وقلبي مش لعبة
تتسلي بيه حبة
وتقولي مش حبة
يعني علي تكة
و قلبي زي حصان
لفارس الفرسان
ف الشدة بس يبان
يفتح حصون عكا
و قلبي ده جمال
بيحمل الاحمال
يقطع ليالي طوال
و يعيشها بالبركة
حبيت حورية زمان
وعيشنا ع الشطأن
خطفها مني الجان
وسابلي ميت حرقة
سألت انس وجن
كتير عليها و عن
عن قلب كان بيحن
رد الجميع لاءة
واديني في المواويل
باقول يا عيني يا ليل
حرمت تاني اميل
وخاصمت دي السكة
#دعبسيات_ابراهيم_دعبس_الساحر
ليست هناك تعليقات:
إرسال تعليق