...التضحيه...
لما يومها سبنا بعض
قالت عشانك وعلشاني
لسنين هتفوت وهلقاني
محتاره بين عريس جاهز
و زنة أم علي وداني
علشان ضحكة عيونك
أشوفها من تاني
علشان أشوفك سعيد بعدين
قبلها بمافيش كانت بتهواني
لما يومها قالت
علشانك وعلشاني
كانت بتترجاني
أبعد بعيد
بترجاك تنساني
فراقنا هيحميني
من جرح أكبر من هذا اليوم
علشان أكون سعيده بالأبيض
ماتكونش دبلتي
دبلة هموم
كلامها مش مفهوم
أمشي وسيبيني
ماتدمعيش ياعيني
وبعد سنين عذاب
تقريبا نسيتها
مرسال يجيني
خافت تقول أنها مريضه
وف أخر أيامها بتعاني
كسرتك علشان تعيش
عرفت ساعتها أنها سابت الأيام تحييني
#الشاعر_هشام_الشامي
ليست هناك تعليقات:
إرسال تعليق