كان نفسي بجد
@@@@@@@@
كان نفسي بجد ابقي كويس
اتجوز ومعايا فلوس
لفيت الدنيا من الاخر
ولاقتها ما تساوي ناموس
واهي بردو معانده من الاخر
والحلم اللي انا شوفته كابوس
مش عارف هستني لإمتي
ويغور الحظ المعكوس
وان مره لاقتها بتضحكلي
استغرب من حال ميؤس
اتاريها بتتسلي عليا
فكراني حليوه وننوس
آه يا دنيا عبيطه ومش فاهمه
مين فينا يا دنيا اللي عجوز
عايزاني اتمحلس حواليكي
واعملك واحد اراجوز
عايزاني احب علي إيداكي
واتكب علي إيداكي ابوس
لا يا دنيا انا مش زيك تافه
علّيتي اللي ف إيده فلوس
خلّيت الجاهل بيبرطع
والناصح دايما منحوس
الجاهل بينخور فيكي
وبينخر ف عظامك سوس
علي ابوكي وأمك يا عبيطه
خلّيتي الواحد مفروس
يتعلق يشعبط فيكي
والآخر يخرج بلبوص
والله لا هينك واذلك
واعملك شبشب مخصوص
يتنسل علي أم دماغك
واقص صوابعك بالموس
انا عمري يا دنيا ما هتأثر
وهالف وأضيها طاووس
انا هاصبر والصبر جميل
ولا عايز دنيا ولا فلوس
انا عايز ستر من المولي
مش عايز اخسر وألوص
لا هتبقي الدنيا ولا آلاخره
والاخر اصحي علي كابوس
سلمنا يارب من الدنيا
وعذاب الدنيا الموروس
@@@@@@@ بقلم //// طه إبراهيم
ليست هناك تعليقات:
إرسال تعليق