فقري وأنزوح
قرص جوعنا ياواجعنا
كفاية قرص خلاص شبعنا
من شبعنا ياقرص حتى
سالت ع الخدود دموعنا
برغم فقري وإحتياجي
وقلة حيلة إحتياجي
عمري ماأعمل أي حاجة
إلا بإرادتي ومزاجي
إللي يقول فقري وأنزوح
واللي يقول خليك بحبوح
واللي يقول مدبوح بيفرفر
عايش بس حلاوة روح
قولوا مهما تقولوا عليا
لاانا بسمعكم ولا في النية
إني في يوم مارضاش بنصيبي
حامد ربي على دي وديهيا
لكن عمري ماأطاطي الراس
ولا بتمحلس يوم للناس
إللي يطاطي هيفضل واطي
وتحت مداس الناس ينداس
بقلمي طارق السيد
ليست هناك تعليقات:
إرسال تعليق