انا كنت شاعر زمان...
كنت بوصف واعبر...كنت بسرح وافكر...
لحد ماصابنى حبك...وعشقت هواك...واسرنى طيفك...دوبنى معاك..
مبقيتش فحبك شاعر...ولا رسام...ولا خواطرى بتاع كلام...
بقيت صنم عاجز...بقيت رسام لكن بلا الوان...
ياما شرقت شمس...وغربت فحبك...لكن قلبى رافض ينام...خانقه كلام...بس عاجز...او خايف عليكى من الكلام...اصل الغزل ناقص ومابيديش كمال للوصف والصورة...ومهما كنتى حلوة...ماهيوصفكيش سنيورة...
مانا كنت رسام زمان وخفت ارسمك تجف الوانى...بين حيرتى وسرحانى...عاجز اصبغك بلون...يرتخف قلبى خايف...ليكون ليكى فيوم يا حبيبتى خاين...بس عجزى منى ومن جمالك قلمى عاجز...
هارتوى منك شوق...واخد ملامحك خريطه...اصل السفر كبير..وطرق القمر بعيدة...
وهذكرك فكل ميدان...وزمان...هذكرك كل لما احس بالامان...مانتى امانى...وعنوانى...لكنى تايه فملكوتك...بين همسك وسكوتك...بين ضحكتك وقلبتك...بكره اما اشوفك هزرعلك الكون كل ورد...واسترد مدن قلبك..ويرجع تانى الود...وافكرك.
.انا قبلك كنت شاعر...والشعر فبعدك مر
************************
حسين عبدالحكيم
ليست هناك تعليقات:
إرسال تعليق