كذّابة (باللهجة اللبنانية)
لمّا عيش الكذبة و تكبر
بيني و بينها المسافِة
لمّا طيور الحبّ تهاجِر
و ما تبقى ولا فراشِة
لمّا عيوني يشتاقولها
وهيّ ولا عمتشتاقلي
لمّا ودّعتها و بكِيت
دموعها ما ودّعوني
...
صفّى بكرا مثل مبارِح
والحقيقة قدّامي
فتحت عيوني وبيّن
إنّها كانت كذّابِة
بتخلّيني إحلم فيها
بتلعبلي بأعصابي
و هي ما في عندها قلب
ولا عمتقرا بكتابي
...
هيدي مدرسة الحياة
هيّ إللّي وعّتني
و عا تفنيصاتها المكشوفة
هيّي إلّلي فهّمتني
من هلّق مش لح إتعلّم
من كيسي أو عا حسابي
من هلّق بدّي إنساها
و لو دّقتلي عا بابي
...
عدنان خليفة
2017
ليست هناك تعليقات:
إرسال تعليق